ნიკა ამაშუკელი: "დამატებითი წნეხია ჩემზე, რადგან მხოლოდ მე ვარ მეორე დონის ქვეყნებიდან"

16-17 იანვარს 2020/2021 წლების სეზონის ჩემპიონთა თასის მესამე ტურის მატჩები გაიმართება. ამ რაუნდში ქართული რაგბის ისტორიაში ახალი ფურცელი დაიწერება.

საქმე იმაშია, რომ ისტორიაში პირველად, ჩემპიონთა თასზე ქართველი იმსაჯებს. 26 წლის ნიკა ამაშუკელი, რომელიც ჩელენჯ თასს უკვე გაუშინაურდა და ამ ტურნირის თამაშებს მესამე სეზონია უძღვება, ამჯერად ჩემპიონთა თასის მატჩზე მოგვევლინება მთავარ მსაჯად. ის 17 იანვარს "პარიზ ლა დეფენს არენაზე" ფრანგული "რასინგ 92"-ის და ინგლისური "ჰარლექუინსის" დაპირისპირებას განსჯის. 

გარდა ამისა, ამაშუკელი იმსაჯებს ჩელენჯ თასის მეოთხე ტურის შეხვედრას, რომელშიც ფრანგული "ბაიონი" 22 იანვარს იტალიურ "ძებრეს" უმასპინძლებს.

აღნიშნული ინფორმაციის დადასტურების შემდეგ, Myrugby.Ge ნიკა ამაშუკელს დაუკავშირდა და მცირე ინტერვიუ ჩაწერა. 

საუკეთესო საახალწლო საჩუქარი - ჩემპიონთა თასის მატჩზე დანიშვნა

არ ველოდი მართლა და შესანიშნავი სიურპრიზი იყო. ჩემმა მენტორმა დევიდ მაქიუმ და მენეჯერმა ლუკა კილასონიამ ბედობას მითხრეს ეს სიახლე. რა თქმა უნდა სიმბოლური დატვირთვით.

პირველი ქართველი მსაჯი ჩემპიონთა თასზე

განსხვავება ჩელენჯ თასსა და ჩემპიონთა თასს შორის