საფრანგეთის რაგბის კავშირმა და ტოპ 14-ის კლუბებმა შეთანხმებას მიაღწიეს

საფრანგეთის რაგბის კავშირმა და ტოპ 14-ის კლუბებმა შეთანხმებას მიაღწიეს, რომლის მიხედვითაც, 2021 წლის 6 ერის მთელი ტურნირის განმავლობაში, საფრანგეთის ნაკრებს თითოეული მორაგბის ხუთივე მატჩისთვის გამოძახება შეეძლება. 

როგორც მოგეხსენებათ, შემოდგომის ტესტებზე ტოპ 14-ის კლუბებმა მორაგბეები მხოლოდ სამი მატჩით გაათავისუფლეს, რის გამოც შემოდგომის ერთა თასის ფინალში "ლე ბლემ" ინგლისის წინააღმდეგ 25 მორაგბის გარეშე ითამაშა და მესამე შემადგენლობით მოუწია მინდორზე გასვლა. მიუხედავად ამისა, საფრანგეთი ტიტულის მოგებასთან ძალიან ახლოს იყო - ლელო, რომლითაც ინგლისმა გაათანაბრა და თამაში დამატებით დროში გადაიყვანა, გაწითლებულ დროში მიიღეს, მეორე დამატებით ტაიმში კი ოუენ ფარელმა ჯარიმა გაიტანა და "უეცარი სიკვდილის" წესით (დამატებით დროში პირველი გატანილი ქულისთანავე მატჩი სრულდება - ავტ.) მატჩი ინგლისის გამარჯვებით დასრულდა.

2021 წლის 6 ერი სტარტს 6 თებერვალს აიღებს. საფრანგეთის ნაკრები პირველ ტურში გასვლაზე იტალიას დაუპირისპირდება.