გიგაშვილი დაბრუნდა, ტულონი გასვლაზე ბორდოსთან დამარცხდა (VIDEO)

© Icon Sport

ტოპ 14-ის მეცამეტე ტურში "ბორდომ" "სტად შაბან დელმაზე" "ტულონი" მიიღო და 31:18 დაამარცხა.

ტრავმა მოიშუშა და ერთთვიანი პაუზის შემდეგ პირველად ითამაშა მარჯვენა ბურჯმა ბექა გიგაშვილმა, რომელიც "ტულონის" სასტარტო შემადგენლობაში იყო და მინდორზე 65 წუთი გაატარა, ხოლო შემდეგ ლუკა ჭელიძემ შეცვალა. მასპინძელთა რიგებში კი თადარიგში იყვნენ ბურჯები ლექსო ყაულაშვილი და ლაშა ტაბიძე. ორივე მათგანი მოედანზე მეორე ტაიმის დაწყებისთანავე გამოჩნდნენ. ლექსომ მთელი ტაიმი ითამაშა, ხოლო ლაშამ 64-ე წუთზე კვლავ ვადიმ კობილაშს დაუთმო ადგილი.