კაკოვინის და მელიქიძის სტად ფრანსემ ბრივი დიდი ანგარიშით დაამარცხა (VIDEO)

© Icon Sport

ტოპ 14-ის მეცამეტე ტურში "სტად ფრანსე" "სტად ჟან-ბუენზე" "ბრივს" დაუხვდა და დიდი სხვაობით 51:21 სძლია.

პარიზელებმა მეტოქეს ექვსი გარდასახული ლელო და სამი ჯარიმა გაუტანეს, ხოლო ბრიველებმა სამი გარდასახული ლელო დადეს. 

მასპინძელთა ძირითად შემადგენლობაში გახლდათ მარცხენა ბურჯი ვასილ კაკოვინი, რომელიც 55-ე წუთზე შეცვალეს, ხოლო მარჯვენა ბურჯი გიორგი მელიქიძე მინდორზე 67-ე წუთზე გამოჩნდა. სტუმართა სასტარტოში გახლდათ მესამეხაზელი ოთარ გიორგაძე, რომელიც 35-ე წუთზე დაშავდა და მის ნაცვლად ფა'ასო სოოტალა ჩაერთო თამაშში, რომელმაც 54-ე წუთზე წითელი ბარათი მიიღო და "ბრივი" 14 კაცით დარჩა, რის შემდეგაც სამი უპასუხო ლელი გაუშვა. თადარიგში იყო ჰავბექი ვასილ ლობჟანიძე, რომელიც თამაშში 61-ე წუთიდან ჩაერთო.