დიდი 10: ყოჩებმა არმაზი დიდი ანგარიშით დაამარცხა (VIDEO)

© გოგიტა ბუხაიძე

დღეს დიდი 10-ის "ბ" ჯგუფში მეოთხე ტურის ერთი გადადებული შეხვედრა გაიმართა. "არმაზი" შევარდენის ბაზაზე "ყოჩებს" დაუხვდა და დიდი ანგარიშით 10:60 დამარცხდა.

სტუმრებმა შვიდი ლელოს და ორი ჯარიმის გატანა მოახერხეს, ხოლო მასპინძლები თითო ლელოს და ჯარიმას დასჯერდნენ. ტაიმი 10:29 დასრულდა, ხოლო მეორე ნახევარში "ყოჩებმა" უფრო დიდი უპირატესობა მოიპოვეს და საბოლოო ჯამში 50-ქულიანი სხვაობით იმარჯვეს.

ბენეფისი მოიწყო ვეტერანმა "ბორჯღალოსანმა" გიორგი ბეგაძემ, რომელმაც ჰეთ-თრიკი შეასრულა და მატჩის საუკეთესო მორაგბედ დასახელდა. თითო ლელოს გატანა კი ნიკა ჩხიკვაძემ, ლევან გოგოლაშვილმა, ირაკლი გეგენავამ და იოსებ გუშარაშვილმა მოახერხეს. "არმაზიდან" პრესტიჟის ლელო საბა კურატიშვილმა დადო. 

"ყოჩებმა" 21 ქულა დააგროვა და "ბ" ჯგუფში გალიდერდა, თუმცა "აიას" ერთი მატჩით ნაკლები აქვს ჩატარებული. "არმაზს" 6 ქულა აქვს და გორის "ჯიქთან" ერთად ბოლო საფეხურს იყოფს.