ბოდენ ბარეტს იაპონიაში სადებიუტო ლელოს დასადებად რამდენიმე წუთი დასჭირდა (VIDEO)

იაპონიაში 16 იანვარს სარაგბო სეზონი აიღებს სტარტს და ტოპ ლიგის გათამაშება დაიწყება.

გუნდები მოსამზადებელი ეტაპის დასკვნით ფაზაში იმყოფებიან და გასახურებელ მატჩებს მართავენ. "სანტორი სანგოლიასი" 26 დეკემბერს "ტოშიბა ბრეივ ლუპოსს" შეხვდა და დიდი ანგარიშით 49:14 დაამარცხა. "სანტორი სანგოლიასის" რიგებში დებიუტი ჰქონდა ახალზელანდიელ ვარსკვლავს ბოდენ ბარეტს, რომელიც თამაშში მეორე ტაიმში ჩაერთო და სადებიუტო იაპონური ლელოს დასადებად სულ რამდენიმე წუთი დასჭირდა. "ოლ ბლექსის" მგეზავმა ხაზის გაჭრა ჩვეულ სტილში მოახერხა და ლამაზი ლელო მიითვალა. 

შეგახსენებთ, რომ "სანტორი სანგოლიასის" მთავარი მწვრთნელი საქართველოს ნაკრების ყოფილი დამრიგებელი მილტონ ჰეიგი გახლავთ.