რუსეთის ნაკრებმა საქართველოსთან მატჩისთვის მოსამზადებელი ეტაპი დაგეგმა

რუსეთის ნაკრები 2020 წლის რაგბი ევროპის ჩემპიონატის ბოლო ტურის მატჩისთვის, რომელშიც 6 ან 7 თებერვალს თბილისში საქართველოს დაუპირისპირდება, მზადებას 17 იანვარს შეუდგება.

"დათვები" 17 იანვარს სოჭში სპორტულ მოსამზადებელ ცენტრში "სამხრეთის სპორტში" შეიკრიბებიან და ორკვირიან შეკრებას გაივლიან, ხოლო 4 თებერვალს გეზს თბილისისკენ აიღებენ.

შეგახსენებთ, რომ 2020 წლის რაგბი ევროპის ჩემპიონატის ბოლო ტურის მატჩები პანდემიის გამო, აქამდე ორჯერ გადაიდო. თავდაპირველად, საქართველო - რუსეთის რკენა მარტში უნდა გამართულიყო, შემდეგ კი 1 ნოემბერს, მაგრამ ეპიდემიოლოგიური ვითარების გამო, მატჩი ვერ შედგა.