ტოპ 14-ის გადადებულ შეხვედრაში ბრივი სამ ქართველს ათამაშებს

სამშაბათს ღამის 23:59 საათზე ფრანგული ტოპ 14-ის მეოთხე ტურის გადადებული შეხვედრა გაიმართება, სადაც "კასტრი" ქართველი ლეგიონერების "ბრივს" უმასპინძლებს. 

სტუმართა რიგებში შეხვედრაში მონაწილეობას სამი ქართველი მორაგბე მიიღებს, ძირითად შემადგენლობაში იქნებიან მარჯვენა ბურჯი სოსო ბეკოშვილი და 9 ნომერი ვასილ ლობჟანიძე, ხოლო კიდევ ერთი მარჯვენა ბურჯი ლუკა ჯაფარიძე მარქაფაში იქნება და მოედანზე სავარაუდოდ მეორე ტაიმში გამოჩნდება. 

11 ტურის შემდეგ "ბრივს" 10 შეხვედრა აქვს ჩატარებული და მე-13 ადგილზე იმყოფება, "კასტრი" კი 9 ჩატარებული მატჩიდან მე-13 პოზიციას იკავებს.