როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
ჩემპიონთა თასის მეორე ტურში "უოსპსმა" "რიკო არენაზე" "მონპელიე" მიიღო და ბონუსით 33:14 დაამარცხა.
სტუმართათვის შეხვედრა ცუდად დაიწყო - მე-6 წუთზე სამხრეთაფრიკელმა ფულბექმა ჰენრი იმელმენმა ვილ პორტერის წინააღმდეგ ძალიან უხეში ბოჭვა შეასრულა, რისთვისაც წითელი ბარათი დაიმსახურა და "მონპელიემ" 74 წუთის განმავლობაში 14 კაცით ითამაშა.
ამის შემდეგ, "ბზიკებმა" უპირატესობა მოიპოვეს და მეტოქე ჯერ ალფი ბარბერმა, შემდეგ კი ჯეიმს გასკელმა დაალელოვა. ფრანგებმა ერთი ლელოს დადება მასპინძელთა შეცდომით მოახერხეს, რომელთაც შეტევის დროს წინ გადაუვარდათ ბურთი, ის კი ალექს ლოზოვსკიმ ჩაიგდო ხელში, ნახევარი მოედანი გაირბინა და ბურთი ლელოში დაამიწა, ბენუა პაიოგიმ კი გარდასახვა გაიტანა და ტაიმი 12:7 დასრულდა.
მეორე ნახევრის დასაწყისში სტუმრები დაწინაურდნენ: "მონპელიემ" მასპინძელთა მხრიდან რაც შეიძლება ბევრი მოთამაშე ჩაითრია მათი ძალისმიერი შეტევის მოსაგერიებლად, შემდეგ კი ხაზზე გაიტანა ბურთი, საპირისპირო ფრთაზე მეტობა შექმნა და ივან რეილაკმა ლელო იოლად დადო, გარდასახვა პაიოგიმ გაიტანა და ფრანგები ამ მატჩში პირველად და უკანასკნელად დაწინაურდნენ.
ამის შემდეგ, უპირატესობა კვლავ "უოსპსის" ხელში გადავიდა და დარჩენილ დროში ინგლისელებმა სამი უპასუხო ლელო დადება მოახერხეს. ბარბერმა დუბლი გაიფორმა, ოდოგვუმ და ატკინსონმა კი თავი თითო ლელოთი გამოიჩინეს.
"მონპელიეს" რიგებში 54-ე წუთზე გამოჩნდნენ ქართველი ბურჯები მიხეილ ნარიაშვილი და ლევან ჩილაჩავა. სამწუხაროდ, "ბორჯღალოსნებს" ამ მატჩში გაუჭირდათ და ამ 25 წუთის განმავლობაში შერკინებაში უპირატესობა "უოსპსს" ჰქონდა. აღსანიშნავია ისიც, რომ ჩილაჩავამ "მონპელიეს" რიგებში თებერვლის შემდგომ პირველი შეხვედრა ჩაატარა.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.