ბათუმმა არესს დიდი ანგარიშით მოუგო და რევანში აიღო

დღეს დიდი 10-ის მე-6 ტურის გახსნით შეხვედრაში "ბათუმმა" საკუთარ მოედანზე "არესი" მიიღო და 43:10 გაიმარჯვა, რითიც პირველ წრეში განცდილი მარცხისთვის მეტოქეს რევანში აუღო.

ბათუმელებმა თამაში თავიდანვე აქტიურად დაიწყეს და უპირატესობა მთელი მატჩის განმავლობაში არ დაუკარგავთ. პირველ ტაიმში მათ სამი ლელოს და ერთი ჯარიმის გატანა მოახერხეს, დუბლი შეასრულა ვაჟა თაგაურმა, ერთი ლელო კი გურამ ქანდაურიშვილის ანგარიშზეა. ამის საპასუხოდ ქუთაისელებმა ერთი ჯარიმა გაიტანეს და პირველი ნახევარი "ბათმუმმა" 22:3 მოიგო. 

არსებითი სურათი არც მეორე ტაიმში არ შეცვლილა. მასპინძლებმა დასკვნით 40 წუთშიც 3 ლელოს გატანა მოახერხეს, რომლებიც ხვიჩა ბუჯიაშვილის, საბა შუბითიძის და გიორგი მენაბდის ანგარიშზეა. სტუმართაგან პრესტიჟის ლელო კი ბექა ვარდანიძემ გაიტანა. 

ამ გამარჯვების შემდეგ "ბათუმმა" სატურნირო მდგომარეობა გაიუმჯობესა და 5 თამაშის შემდეგ 11 ქულით ბ ჯგუფში მეოთხე ადგილზეა. "არესი" კი 12 ქულით მეორე პოზიციაზე იმყოფება.