ცხადაძის სასტარტო, აბჟანდაძის და გიორგაძის დაბრუნება - ბრივი ძებრესთან 5 ქართველით ითამაშებს

პარასკევს თბილისის დროით 00:00 საათზე ჩელენჯ თასის მეორე ტურში "ბრივი" საკუთარ კედლებში "ძებრეს" დაუხვდება.

ფრანგული კლუბის რიგებში ხუთ ქართველ მორაგბეს ვიხილავთ. "ბრივს" უბრუნდებიან საქართველოს ნაკრების მორაგბეები მესამეხაზელი ოთარ გიორგაძე და თედო აბჟანდაძე, რომლებიც შემოდგომის ერთა თასის შემდეგ კლუბში პირველად ითამაშებენ. გიორგაძე თადარიგშია, ისევე როგორც მარჯვენა ბურჯი ლუკა ჯაფარიძე, ხოლო აბჟანდაძე სასტარტო თხუთმეტეულია. თედოს გარდა, ძირითადში იქნებიან კვაჭი ბადრი ალხაზაშვილი და მესამეხაზელი ირაკლი ცხადაძე, რომელთაც გასულ პარასკევს ჩელენჯ თასზე დებიუტი ჰქონდათ. 

როგორც იცით, "ბრივი" პირველ ტურში "ლესტერ ტაიგერსთან" 17:39 დამარცხდა.