სანტიაგო კორდერომ სპეკულაციებს წერტილი დაუსვა

ფრანგული "ბორდოს" და არგენტინის ნაკრების უკანახაზელმა სანტიაგო კორდერომ სატრამსფერო სპეკულაციებს წერტილი დაუსვა და კლუბთან ამჟამინდელი კონტრაქტი გაახანგრძლივა. 

იყო საუბრები, რომ კორდერო ინგლისის პრემიერშიპში დაბრუნდებოდა, მის სახელს "ექსეტერ ჩიფსს" და "ჰარლექუინზს" უკავშირებდნენ, თუმცა საბოლოოდ მან "ბორდოსთან" კონტრაქტი 2023 წლამდე გაახანგრძლივა. 

კორდერომ არგენტინული "ხაგუარესი" 2017 წელს დატოვა და ინგლისურ "ექსეტერ ჩიფსში" გადაბარგდა, "ბორდოში" კი 2019 წლიდან ასპარეზობს და გასულ უქმეებზე ჩემპიონთა თასის პირველ ტურში "ნორთჰემპტონის" წინააღმდეგ გამარჯვების მომტანი ლელოს გატანაც მოახერხა.