ბოდენ ბარეტი მილტონ ჰეიგის კლუბს იაპონიაში ოფიციალურად შეუერთდა

ახალზელანდიელი ვარსკვლავი ბოდენ ბარეტი მილტონ ჰეიგის იაპონურ კლუბ "სანტორი სანგოლიათს" ოფიციალურად შეუერთდა. 

როგორც იცით, ახალი ზელანდიის რაგბის კავშირთან გაფორმებული 4 წლიანი კონტრაქტი ბარეტს შესაძლებლობას აძლევს იაპონურ კლუბში ითამაშოს და 29 წლის მორაგბე 2021 წლის ტოპ ლიგის გათამაშებაში იასპარეზებს. 

10 წლიანი პრიფესიონალური კარიერის განმავლობაში, ორგზის მსოფლიოს საუკეთესო მოთამაშე ახალი ზელანდიის გარეთ პირველად ითამაშებს. აქამდე მას  "ბლუზში", "ჰარიქეინსსა" და "ტარანაკიში" უთამაშია. 

აქვე იმასაც შეგახსენებთ, რომ "სანტორი სანგოლიათი" ტოპ ლიგის ხუთგზის ჩემპიონია და იაპონიის ერთ-ერთ უძლიერეს კლუბს წარმოადგენს, რომელსაც ქართველი გულშემატკივრისთვის კარგად ნაცნობი მილტონ ჰეიგი წვრთნის. მის გუნდში ამჟამად ისეთი ცნობილი ვარსკვლავები ირიცხებიან, როგორებიც არიან სამუ კერევი, შონ მაკმაჰონი, ჰენდრიკ ტუი და ახლა უკვე ბოდენ ბარეტიც.