ლევან მაისაშვილი: "ვერ ვიტყვი, რომ სხვა ჯგუფი უკეთესი იქნებოდა"

დღეს 2023 წლის მსოფლიო თასის კენჭისყრის შემდეგ კომენტარი გააკეთა საქართველოს ნაკრების მთავარმა მწვრთნელმა ლევან მაისაშვილმა, რომელმაც კენჭისყრა შეაფასა და არსებულ სიტუაციაზე ისაუბრა. როგორც იცით, საქართველოს ნაკრები უდიდესი ალბათობით C ჯგუფში იასპარეზებს და მისი მეტოქეები წინა მსოფლიო თასის მსგავსად ისევ უელსი, ავსტრალია და ფიჯი იქნებიან, მეოთხე მოწინააღმდეგე კი კვალიფიკაციის შემდეგ გახდება ცნობილი.  

"განთესვიდან გამომდინარე, იოლ ჯგუფს არც ველოდით. ლოგიკურად გ ჯგუფში უნდა მოვხდეთ და ფაქტობრივად იგივე გუნდებთან მოგვიწევს თამაში, ვისაც იაპონიაში ვეთამაშეთ, თუმცა ვერ ვიტყვი, რომ სხვა ჯგუფი უკეთესი იქნებოდა. ბევრი რამ იმაზე იქნება დამოკიდებული, როგორ მივლენ გუნდები მსოფლიო თასამდე. უელსი და ავსტრალია ფაქტობრივად ახალ გუნდს აშენებს, არავინ იცის როგორი იქნება ფიჯი 2023 წლისთვის.

ამ ეტაპზე რამის თქმა ძალიან ძნელია. არ ვიცით რა იქნება მომავალში, ჩავატარებთ უკეთეს თამაშებს თუ ტიერ 1-ის გუნდებთან წლის განმავლობაში კვლავ ერთი-ორი თამაში გვექნება. როგორ წარიმართება ფრანჩაიზთან დაკავშირებული სიტუაცია" - განაცხადა მაისაშვილმა. 

rugby.ge