2021-2022 წლების სეზონიდან დიდი 10-ის გუნდების დაფინანსება კიდევ უფრო იზრდება

როგორც იცით, წლევანდელ სეზონამდე საქართველოს ჩემპიონატის უმაღლესი ლიგის გუნდების დაფინანსება 400 000 ლარი იყო, თუმცა პანდემიის პირობებში გუნდებს დიდი ფინანსური კრიზისი შეექმნათ და დახმარების სათხოვნელად მთავრობისთვის მოუწიათ მიმართვა. ხელისუფლებამ კლუბების თხოვნა დააკმაყოფილა და  მიმდინარე სეზონში მათი დაფინანსება 300 000 ლარით გაზარდა და 700 000 შეადგინა. 

ცოტა ხნის წინ კი საქართველოს რაგბის კავშირის პრეზიდენტის მოვალეობის შემსრულებელმა თორნიკე გოგებაშვილმა "POSTV-სპორტი"-სთვის მიცემულ ინტერვიუში განაცხადა, რომ 2021-2022 წლების სეზონიდან დიდი 10-ის გუნდების დაფინანსება კიდევ უფრო გაიზრდება და ის დაახლოებით 850 000 ლარს მიაღწევს.