როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
პარასკევს 2020/2021 წლების სეზონის ჩემპიონთა თასმა აიღო სტარტი. ჯგუფური ეტაპის პირველ ტურში მონაწილეობა ოთხმა ქართველმა მორაგბემ მიიღო.
ტურნირის გახსნით მატჩში "ნორსჰემპტონი" საკუთარ მოედანზე "ბორდოს" დაუხვდა და 12:16 დამარცხდა. ჟირონდელებმა გამარჯვების მომტანი ლელო 73-ე წუთზე დადეს, მატიო ჟალიბერმა ჯარიმიდან ბურთი ძელს გაარტყა, რომელიც ლელოსთან ახლოს დაეცა, მასთან უმალ სანტიაგო კორდერო დარჩა და გამარჯვების ლელო გაიტანა. სტუმართა რიგებში მარცხენა ბურჯის პოზიციაზე ლექსო ყაულაშვილი მინდორზე 63-ე წუთზე გამოჩნდა და ამ დროის განმავლობაში 6-ჯერ შეუტია, 15 მეტრი მოიგო და 1 ბოჭვა შეასრულა.
"ტულონი" "სტად მაიოლზე" "სეილ შარქსს" დაუხვდა და 26:14 იმარჯვა. მასპინძელთა რიგებში მე-60 წუთზე გამოჩნდა 20 წლის მარჯვენა ბურჯი ლუკა ჭელიძე, რომელსაც ჩემპიონთა თასზე დებიუტი ჰქონდა. მან ამ დროის განმავლობაში 3 ბოჭვის შესრულება მოასწრო.
"უოსპსმა" გასვლაზე "დრაგონსი" ბონუსით 24:8 დაამარცხა. "ბზიკების" რიგებში ამ მატჩში თებერვლის შემდგომ პირველი შეხვედრა ჩაატარა მარცხენა ბურჯმა ზურაბ ჟვანიამ, რომელმაც ბოლო 10 წუთი ითამაშა და ამ დროში ბურთით ერთხელ შეუტია, 10 მეტრი მოიგო, ერთი თერნოვერი და 1 პასი გააკეთა.
"რასინგ 92" "პარიზ ლა დეფენს არენაზე" "კონახტი" 26:22 დაამარცხა და 4 ლელოს დადებისთვის ბონუსი აიღო. პარიზელთა რიგებში 50-ე წუთზე გამოჩნდა მარცხენა ბურჯი გურამ გოგიჩაშვილი. მან 30 წუთის განმავლობაში ბურთი 3-ჯერ მიიღო და 7 ბოჭვა შეასრულა.
ჩემპიონთა თასის პირველი ტურის სხვა მატჩების შესახებ ცალკე გაგაცნობთ.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.