ავსტრალიის ნაკრების ვარსკვლავი, შესაძლოა, ახალ ზელანდიაში ვიხილოთ

ავსტრალიის ნაკრების და "რედსის" ვარსკვლავმა ჯეიმს ო'კონორმა, შესაძლოა, სამშობლო კიდევ ერთხელ დატოვოს და კარიერა ამჯერად მახლობელ ახალ ზელანდიაში განაგრძოს - წერს ცნობილი გამოცემა NZ Herald-ი.

გავრცელებული ინფორმაციის თანახმად, 30 წლის უნივერსალი უკანახაზელი ახლოსაა 2021 წლის სუპერ რაგბი აოტეაროაში თამაშთან. არსებული ცნობის თანახმად, ო'კონორის დამატება "ჩიფსს" სურს და ავსტრალიელ მორაგბესაც უნდა ახალ ზელანდიაში თამაში. 

ო'კონორი, რომელსაც ავსტრალიური გუნდების გარდა, ინგლისში და საფრანგეთში უთამაშია, მოხიბლულია სუპერ რაგბი აოტეაროათი და სურს ითამაშოს მსოფლიოს ყველაზე კონკურენტუნარიან შიდა ჩემპიონატში და გამოსცადოს საკუთარი შესაძლებლობები საუკეთესოების წინააღმდეგ.  

შეგახსენებთ, რომ ო'კონორს "ვოლაბების" კვართით 55-ჯერ უთამაშია და 14 ლელოს გატანა მოახერხა.