რუსეთის რეგულარული ჩემპიონატის სიმბოლურ ნაკრებში ოთხი ქართველი მოხვდა

რუსეთის რაგბის კავშირის ოფიციალურმა გვერდმა რუსეთის ჩემპიონატის რეგულარული გათამაშების სიმბოლური თხუთმეტეული გამოაქვეყნა, სადაც ოთხი ქართველი მორაგბე მოხვდა. 

აღნიშნული გუნდი ყველა კლუბის მთავარი მწვრთნელების აზრთა გათვალისწინებით და სოციალურ ქსელებში გულშემატკივრების ხმის მიცემის საშუალებით გამოვლინდა.

უნდა ითქვას, რომ სიმბოლურ ნაკრებში ოთხივე ქართველი მორაგბე შერკინების წარმომადგენელია. პირველ ნომერზე გამოარჩიეს მიხეილ რატიაშვილი, მესამე ხაზი კი სრულად ქართულია, მას ნიკო აფციაური, მიხეილ გაჩეჩილაძე და ნიკოლოზ სუხიშვილი წარმოადგენენ.