ზურაბ ჟვანია უოსპსს ჩემპიონთა თასზე უბრუნდება

ჩემპიონთა თასის პირველ ტურში "უოსპსი" გასვლაზე უელსურ "დრაგონსს" დაუპირისპირდება.

ქართველი გულშემატკივრებისთვის განსაკუთრებით საინტერესო ის გახლავთ, რომ "ბზიკების" რიგებს ქართველი ბურჯი ზურაბ ჟვანია უბრუნდება. 29 წლის პირველხაზელი პანდემიის შემდგომ პირველ შეხვედრას ჩაატარებს. "ზუზუ" ინგლისური კლუბის მარქაფაშია და მას მინდორზე ტომ ვესტის ნაცვლად, სავარაუდოდ მეორე ტაიმში ვიხილავთ. 

გარდა ამისა, "ბზიკებს" უბრუნდებიან ინგლისის ნაკრების მორაგბეები ჯო ლონჩბრი, ჯეკ ვილისი და დენ რობსონი, რომლებიც ძირითად შემადგენლობაში არიან.

ჟვანია "უოსპსი" 2018 წლის ზაფხულში "სტად ფრანსედან" გადავიდა და პანდემიის დაწყებამდე "ბზიკების" კვართით ჩატარებულ 34 მატჩში 3 ლელოს გატანა მოახერხა.