ედი ჯონსი: "სამხრეთ აფრიკასთან დაპირისპირებაში შევეცდებით, რომ შევამოწმოთ ჩვენი დონე"

გუშინ ცნობილი გახდა, რომ ინგლისის ნაკრები 2021 წლის შემოდგომის ტესტებზე სამხრეთ აფრიკას, ავსტრალიას და მეორე დონის ერთ-ერთ ქვეყანას დაუპირისპირდება. 

მომდევნო წელს გასამართ საშინაო მატჩებთან დაკავშირებით მცირე კომენტარი გააკეთა ინგლისელთა მთავარმა მწვრთნელმა ედი ჯონსმა.

"ეს იქნება ძალიან კარგი სარაგბო თამაშები და რთული ტესტები ჩვენთვის, რადგან ვმუშაობთ იმაზე, რომ გავუმჯობესდეთ, როგორც გუნდი. 

სამხრეთ აფრიკა მსოფლიო ჩემპიონია და ჩვენ შევეცდებით, რომ მათთან დაპირისპირებაში შევამოწმოთ ჩვენი დონე. 

ავსტრალია სწრაფად აუმჯობესებს თამაშს, ჰყავს ბევრი ახალი ნიჭიერი მოთამაშე და ისეთი კარგი მწვრთნელები, როგორებიც დეივ რენი და სკოტ ვაისემენტალი არიან, რომლებსაც ჩვენ კარგად ვიცნობთ. 

წელს ჩვენ არ გვქონდა სამხრეთ ნახევარსფეროს გუნდებთან თამაშის შანსი. ასე რომ, მომდევნო წლისთვის ეს იქნება კარგი შესაძლობლობა, რომ ვნახოთ რა დონეზე ვართ და ვიმედოვნებ, რომ ჩვენი გულშემატკივრები შესანიშნავი რაგბით სიამოვნებას მიიღებენ", - განაცხადა ავსტრალიელმა სპეციალისტმა.