მსოფლიო რაგბიმ ათწლეულის საუკეთესო სიმბოლური გუნდი დაასახელა

"მსოფლიო რაგბიმ" 2020 წლის დაჯილდოებაზე განვლილი ათწლეულის საუკეთესო თხუთმეტეული გამოავლინა.

სიმბოლურ გუნდში ყველაზე მეტი შვიდი მორაგბე ახალი ზელანდიიდან ფიგურირებს, სამი მორაგბე სამხრეთ აფრიკიდან მოხვდა, ორი მოთამაშე ირლანდიიდანაა წარდგენილი, ხოლო თითო წევრი უელსიდან, ავსტრალიიდან და იტალიიდან არიან შეყვანილები.

2010-წლიანი დეკადის საუკეთესო გუნდი ასე გამოიყურება:

უკანა ხაზი

15. ბენ სმიტი (ახალი ზელანდია), 14. ჯორჯ ნორსი (უელსი), 13. ბრაიან ო'დრისკოლი (ირლანდია), 12. მა'ა ნონუ (ახალი ზელანდია), 11. ბრაიან ჰაბანა (სამხრეთ აფრიკა), 10. დენ კარტერი (ახალი ზელანდია), 9. ქონორ მარი (ირლანდია);

შერკინება

1. ტენდაი მტავარირა (სამხრეთ აფრიკა), 2. ბისმარკ დუ პლესი (სამხრეთ აფრიკა), 3. ოუენ ფრენკსი (ახალი ზელანდია), 4. ბროდი რეტალიკი (ახალი ზელანდია), 5. სემ ვაითლოქი (ახალი ზელანდია), 6. დევიდ ფოქოქი (ავსტრალია), 7. რიჩი მაკქოუ (ახალი ზელანდია), 8. სერჯო პარისე (იტალია).