2020 წლის საბოლოო მსოფლიო რეიტინგი

შაბათ-კვირას 2020 წლის უკანასკნელი სანაკრებო მატჩები გაიმართა. შესაბამისად, ზოგიერთ გუნდს სარეიტინგო ქულები მოემატა, ზოგსაც პირიქით - დააკლდა.

2020 წლის სანაკრებო სეზონი კორონავირუსის პანდემიის გამო არასრულფასოვანი გამოდგა. მაგალითად, მოქმედმა მსოფლიო ჩემპიონმა სამხრეთ აფრიკამ და მსოფლიო თასის მეოთხედფინალისტმა იაპონიამ წელს საერთოდ ვერ ითამაშეს, ისევე როგორც კანადამ, აშშ-მა, სამოამ, ტონგამ და ნამიბიამ. ვერ შედგა რაგბი ევროპის ჩემპიონატის ბოლო ტური, ხოლო ქვედა დივიზიონების მატჩების უმრავლესობა გაუქმდა. მხოლოდ ერთი შეხვედრის ჩატარება მოასწრო ფიჯის ნაკრებმა. ამრიგად, წელს მსოფლიო რეიტინგში ბევრი ცვლილება არ მომხდარა. 

ბოლო მატჩების მიხედვით, სარეიტინგო ქულები მოიხვეჭეს ინგლისმა (0.35), ირლანდიამ (0.40), არგენტინამ (0.72) და ფიჯიმ (0.66), ხოლო ქულები მოაკლდათ საფრანგეთს (0.35), შოტლანდიას (0.40), ავსტრალიას (0.72) და საქართველოს (0.66). "ბორჯღალოსნებმა" 2020 წელი 72.18 ქულით მე-12 ადგილზე დაასრულეს.

2020 წლის საბოლოო მსოფლიო რეიტინგი