მიდის თუ არა გელა აფრასიძე მონპელიედან - ფრანგული გამოცემა ჭორს გამოეხმაურა

დღეს ფრანგულ სარაგბო საიტ rugbyrama.fr-ზე საინტერესო ინფორმაცია გავრცელდა, რომლის მიხედვითაც საქართველოს ნაკრების და "მონპელიეს" 22 წლის მორაგბე გელა აფრასიძეს ფრანგული კლუბი მომავალი სეზონიდან პრო დ2-ში მოასპარეზე "კოლომიეში" ანათხოვრებდა. 

სულ ცოტა ხნის წინ კი იმავე ფრანგულ მედიაში ცნობილი გახდა, რომ ქართველ 9 ნომერს "მონპელიე" აღარ გაანათხოვრებს და შესაბამისად ის მომავალ სეზონს ისევ ტოპ 14-ში გაატარებს. 

აფრასიძეს საქართველოს ნაკრებში 28 კეპი აქვს მოხვეჭილი. "მონპელიეში" კი 2017 წლიდან ასპარეზობს და საერთო ჯამში აღნიშნულ კლუბში 9 შეხვედრა ჩაატარა. მიმდინარე სეზონში მისი კონკურენტები არიან ბენუა პაიოგი და სამხრეთაფრიკელი კობუს რეინახი.