ირლანდიამ შოტლანდია დამაჯერებლად დაამარცხა და შემოდგომის ერთა თასზე მე-3 ადგილი დაიკავა (VIDEO)

ირლანდიის ნაკრები შემოდგომის ერთა თასის მესამე ადგილისთვის მატჩში შოტლანდიას დაუხვდა და დამაჯერებელი სხვაობით 31:16 აჯობა.

პირველი ტაიმი თანაბარი გამოდგა. შეხვედრის საწყის 25 წუთში მცირე უპირატესობას შოტლანდიას ფლობა და ჯარიმებით 9:3 იგებდა, თუმცა შემდეგ ირლანდიელებმა გადაიბარეს სათამაშო ინიციატივა და ტაიმის ბოლოს ქით ერლსმა მატჩის პირველი ლელო გაიტანა. ტაიმი ირლანდიელთა სასარგებლოდ 11:9 დასრულდა.

მეორე ნახევარში კი ირლანდიამ დიდი უპირატესობა მოიპოვა. ქით ერლსმა დუბლი შეასრულა, იქამდე კი კიან ჰილმა გამოიჩინა თავი. ჯონათან სექსტონმა ორივე გარდასახვა ზუსტად შეასრულა, როს ბირნიმ კი ორი ჯარიმა შეასრულა ზუსტად. სტუმართაგან პრესტიჟის ლელოს დადება დუჰან ვან დერ მერვემ შეძლო. 

ამრიგად, ირლანდიამ შემოდგომის ერთა თასი მესამე ადგილზე დაასრულა.