გიორგი კვესელაძე - შემოდგომის ერთა თასის მესამე ტურის ოფიციალურ სიმბოლურში

შემოდგომის ერთა თასის ოფიციალურმა ვებგვერდმა ტურნირის მესამე ტურის სიმბოლური გუნდი გამოაქვეყნა.

კვირის საუკეთესო თხუთმეტეულში მოხვდა საქართველოს ნაკრების შუამარბი გიორგი კვესელაძე, რომელმაც ირლანდიის წინააღმდეგ ბრწყინვალედ ითამაშა და ჩინებული ლელოს ავტორი გახდა. ეს არის პირველი შემთხვევა, როდესაც ქართველი მორაგბე მიმდინარე გათამაშების სიმბოლურში მოხვდა.

მესამე ტურის სიმბოლური ასე გამოიყურება:

უკანა ხაზი

15. ბრაის დულინი (საფრანგეთი), 14. ტედი ტომა (საფრანგეთი), 13. გიორგი კვესელაძე (საქართველო), 12. ჯონი უილიამსი (უელსი), 11. გაბინ ვილიე (საფრანგეთი), 10. ბილი ბარნსი (ირლანდია), 9. ბენ იანგსი (ინგლისი);

შერკინება

1. მაკო ვუნიპოლა (ინგლისი), 2. ჯეიმი ჯორჯი (ინგლისი), 3. ენდრიუ პორტერი, 4. იან ჰენდერსონი (ირლანდია), 5. ჯო ლონჩბრი (ინგლისი), 6. ტომ ქარი (ინგლისი), 7. სემ ანდერჰილი (ინგლისი), 8. ბილი ვუნიპოლა (ინგლისი).