გიორგი კვესელაძე 8 ერის მესამე ტურის სიმბოლურ ნაკრებში მოხვდა

ცნობილმა სარაგბო საიტმა planetrugby.com-მა შემოდგომის ერთა თასის მესამე ტურის სიმბოლური ნაკრები გამოაქვეყნა. ქართველი გულშემატკივრისთვის სასიხარულოდ თხუთმეტეულში საქართველოს ნაკრების ცენტრი გიორგი კვესელაძე მოხვდა. 

კვესელაძე 13 ნომრის პოზიციაზე შემდეგნაირად არის დახასიათებული: 

"კიდევ ერთი ბრწყინვალე მატჩი ჩაატარა იტალიის ნაკრების ცენტრმა მარკო ძანონმა, რომლის მიერ წაღებულმა ბურთებმა იტალიას საფრანგეთთან მატჩში მნიშვნელოვანი მანძილი მოაგებინა და კარგი შესატევი პლაცდარმები შეუქმნა. მაგრამ არ შეგვეძლო ქართველი ცენტრის იგნორირება, რომელზეც კვირას ყველა საუბრობდა. კვესელაძის ლელო ბრწყინვალე ვარიანტი იყო შემოდგომის ერთა თასზე საქართველოს ნაკრების მშრალი სერიის დასასრულებლად, რომლის ნახვაც ყველა თვალსაზრისით სასიამოვნო იყო. ტემპი, ბურთის დაქნევა, ცნობიერება. ბრწყინვალეა". 

თხუთმეტეულში ყველაზე მეტი 7 მორაგბით ინგლისის ნაკრებია წარმოდგენილი, სრული გუნდი კი ასე გამოიყურება. 

15. ბრის დულანი (საფრანგეთი)
14. ჯონი მეი (ინგლისი)
13. გიორგი კვესელაძე (საქართველო)
12. ჯონი უილიამსი (უელსი)
11. გაბინ ვილიე (საფრანგეთი)
10. ბილი ბერნსი (ირლანდია)
9. ბენ იანგსი (ინგლისი)
8. ბილი ვუნიპოლა (ინგლისი)
7. სემ ანდერჰილი (ინგლისი)
6. სეკო მაკალუ (საფრანგეთი)
5. კილიან ჟერასი (საფრანგეთი)
4. მარო იტოჟე (ინგლისი)
3. კაილ სინკლერი (ინგლისი)
2. პეტო მუვაკა (საფრანგეთი)
1. მაკო ვუნიპოლა (ინგლისი)