რორი ბესტი: "ირლანდია ცდილობდა, რომ საქართველოსთვის კუნთების ძალით ეჯობნა"

შემოდგომის ერთა თასის მესამე ტურში ირლანდიის ნაკრები "ავივა სთედიუმზე" საქართველოს ნაკრებს დაუხვდა და ბრძოლაში 23:10 იმარჯვა.

პირველი ტაიმი მასპინძელთა სასარგებლოდ 20:7 დასრულდა, ხოლო მეორე ნახევარში ირლანდიელებმა ლელოს დადება ვეღარ მოახერხეს და შესაბამისად, ბონუს ქულა ვერ აიღეს. "სამყურების" თამაშის უკმაყოფილო დარჩა ლეგენდარული კვაჭი რორი ბესტი, რომელსაც 2005-2019 წლებში ირლანდიის ნაკრების კვართით 124-ჯერ უთამაშია და 12 ლელოს გატანა მოახერხა.

"ისინი ახლა (ირლანდიის ნაკრების მოთამაშეები) ძალიან იმედგაცრუებულნი იქნებიან. ირლანდია ცდილობდა, რომ საქართველოსთვის კუნთების ძალით ეჯობნა, მაგრამ მათ ამის გაკეთება საკმარისად კარგად ვერ მოახერხეს. ისინი უნდა იყვნენ უფრო მეტად ჭკვიანები", - განაცხადა მატჩის შემდგომ ირლანდიური რაგბის ლეგენდამ.