გაბრაზებულმა ახალმა ზელანდიამ არგენტინა ნულზე გაანადგურა და რევანში აიღო (VIDEO)

ავსტრალიაში მიმდინარე რაგბი ჩემპიონშიპის მეხუთე მატჩში ახალი ზელანდიის ნაკრები ნიუკასლში არგენტინას დაუხვდა და ორი კვირის წინ განცდილი მარცხისთვის, სრულფასოვანი რევანში აიღო. "ოლ ბლექსმა" მეტოქეს ხუთი უპასუხო ლელო დაუდო და 38:0 გაანადგურა.

დუბლი გაიფორმა შეცვლაზე შემოსულმა ვილ ჯორდანმა, ხოლო თითო ლელო დეინ კოულსმა, არდი სავეამ და პატრიკ ტუიპულოტუმ მიითვალეს. ხუთივე გარდასახვა და ერთი ჯარიმა რიჩი მო'უნგამ შეასრულა ზუსტად. 

"ოლ ბლექსმა" 11 ქულა დააგროვა და ორი მარცხის მიუხედავად, საჩემპიონო ტიტული გაიფორმა, რადგან ავსტრალიას და არგენტინას ექვს-ექვსი ქულა აქვთ და ბოლო მატჩში ბონუსითაც რომ მოიგონ, მოწინააღმდეგეებს გატანილ-გაშვებული ქულებითაც და ურთიერთშეხვედრების ბალანსითაც ბევრად ჯობნიან. 

იხილეთ მატჩის მიმოხილვა.