ახალმა ზელანდიამ ჰაკას შესრულებამდე, დიეგო მარადონას ხსოვნას პატივი მიაგო (VIDEO)

დღეს სამი ერის გათამაშების მატჩში არგენტინის ნაკრები ახალ ზელანდიას დაუპირისპირდა. როგორც იცით რამდენიმე დღის წინ 60 წლის ასაკში გარდაიცვალა ლეგენდარული არგენტინელი ფეხბურთელი დიეგო მარადონა, რომელსაც მთელი მსოფლიო გლოვობს, ხოლო არგენტინაში ოფიციალურად გამოცხადდა სამდღიანი გლოვა. 

ახალი ზელანდიის ნაკრებმა არგენტინელ ლეგენდას პატივი ჩვეულ სტილში მიაგო და ჰაკას შესრულებამდე, გუნდის კაპიტანმა სემ ქეინმა არგენტინელ მორაგბეებს "ოლ ბლექსის" 10-ნომრიანი მარადონას ფორმა გადასცა. ვიდეო უსწრაფესად გავრცელდა სოციალურ ქსელებში და გულშემატკივრების დიდი მოწონება დაიმსახურა.