ბექა გორგაძე: "კარგი კვირა გამოგვივიდა"

შემოდგომის ერთა თასის მესამე ტურის შეხვედრისთვის მზადებას აგრძელებს საქართველოს ნაკრები, რომელიც კვირას ირლანდიას დაუპირისპირდება, მოახლოებულ მატჩთან დაკავშირებით კომენტარი გააკეთა ბორჯღალოსანთა მესამეხაზელმა ბექა გორგაძემ.

"კარგი კვირა მიმდინარეობს, იმიტომ, რომ უფრო მეტი დასვენების საშუალება გვქონდა. ორი კარგი სავარჯიშო დღე გამოგვივიდა, სადაც შევძელით ისევ და ისევ შეტევაზე გაგვემახვილებინა ყურადღება, რაც გამოჩნდა, რომ გვაკლია ზოგადად პრაქტიკაში. 

დღეს კარგი ვარჯიში გამოგვივიდა, უფრო შევთამაშდით და იმედი გვაქვს, რომ ამ ყველაფრის გადატანას მოვახერხებთ მოედანზე კვირას ირლანდიის წინააღმდეგ" - განაცხადა გორგაძემ.