ფიჯის ნაკრებში კორონავირუსი მძვინვარებს - იტალიასთან მატჩი გაუქმდა

როგორც იცით, შემოდგომის ერთა თასის პირველი ტურის შეხვედრა საფრანგეთსა და ფიჯის შორის ფიჯელთა რიგებში კორონავირუსის არსებობის გამო გაუქმდა და ფრანგებს 28:0 გამარჯვება ჩაეთვალათ. 

ამის შემდეგ ფიჯელებმა დანარჩენ მატჩებში მონაწილეობის მისაღებად კონტროლი გაამკაცრეს მთელი გუნდი კარანტინში გადავიდა. გუშინ ფიჯელი მორაგბეების ტესტირების მორიგი ეტაპი ჩატარდა და დღეს გავრცელებული შედეგების მიხედვით კორონავირუსი 29 მორაგბეს დაუდასტურდა. 

ეს ყველაფერი კი იმას ნიშნავს, რომ ტურნირის ორგანიზატორების გადაწყვეტილებით მიმდინარე კვირაში იტალიასთან გასამართი შეხვედრა ისევე გაუქმდა, როგორც ეს კვირას საფრანგეთთან გასამართ მატჩში  მოხდა და ერთი კვირის თავზე შოტლანდიასთან შეხვედრის ჩატარებაც დიდი კითხვის ნიშნის ქვეშ დგას.