გულშემატკივრებმა შემოდგომის ერთა თასის პირველი ტურის საუკეთესო მორაგბე გამოავლინეს

შემოდგომის ერთა თასის ოფიციალურმა საიტმა პირველი ტურის საუკეთესო მორაგბის გამოსავლენად გამოკითხვა ჩაატარა და გულშემატკივართა რჩეული შოტლანდიის ნაკრების სამხრეთაფრიკული წარმოშობის გარემარბი დუჰან ვან დერ მერვე გახდა, რომელსაც სანაკრებო დებიუტი 3 კვირით ადრე საქართველოს ნაკრების წინააღმდეგ შედგა.

ვან დერ მერვემ იტალიასთან მოგებულ შეხვედრაში მნიშვნელოვანი როლი ითამაშა დაპირველ ტაიმში მეტოქის დალელოვებაც მოახერხა. 25 წლის მორაგბემ ხმათა 39% მიიღო, მეორე ადგილზე 25.2%-ით ინგლისის ნაკრების კვაჭი ჯეიმი ჯორჯი გავიდა, რომელმაც საქართველოსთან შეხვედრაში სამი ლელოს დადება მოახერხა. მესამე და მეოთხე ადგილები ირლანდიის ნაკრების მოთამაშეებმა ჯეიმს ლოუმ და ქეილინ დორისმა დაიკავეს, მათ 20.6% და 15.2% მიიღეს.