ირლანდიას ინგლისთან მატჩისთვის ორი საკვანძო მოთამაშე გამოაკლდა

ირლანდიის ნაკრებს ტრავმების გამო, მიმდინარე კვირაში ინგლისის წინააღმდეგ ორი საკვანძო მორაგბე ჯონი სექსტონი და რობი ჰენშოუ ვერ დაეხმარება.

ორივე მორაგბემ უელსთან მოგებულ შეხვედრაში მიიღო ტრავმა, ერთ-ერთ ეპიზოდში ჯონი სექსტონმა ჯარიმის შესრულების დროს ფეხი იტკინა და მოგვიანებით ბარძაყის ტრავმის გამო მოედანი დატოვა. ასევე ფეხის ტრავმა მიიღო რობი ჰენშოუმ და უმნიშვნელოვანეს შეხვედრაში მონაწილეობას ვერც ის მიიღებს. 

ენდი ფარელის თავისტკივილს ისიც აღრმავებს, რომ სექსტონის ნაცვლად მოედანზე შემოსულმა ბილი ბერნსმა თამაში ვერ ჩაამთავრა და სავარაუდოდ ინგლისთან ათნომრიანი მაისურით როს ბირნი მოგვევლინება. დიდი ალბათობით ძირითად შემადგენლობაში დაბრუნდება ჯეიკობ სტოკდელილ, რომელმაც უელსთან მატჩი მცირე ტრავმის გამო გამოტოვა.