რატომ დანიშნა ვერნ კოტერმა ფიჯის ნაკრების კაპიტნად სემი რადრადრა

შემოდგომის ერთა თასის მონაწილე ფიჯის ნაკრებს ახალი კაპიტანი ჰყავს, გუნდს "ბრისტოლის" მორაგბე სემი რადრადრა უკაპიტნებს, აღნიშნული გადაწყვეტილების მიზეზებზე ფიჯელთა მთავარმა მწვრთნელმა ვერნ კოტერმა ისაუბრა. 

"სემი რადრადრას კაპიტნად დანიშვნის გადაწყვეტილება ადვილი მისაღები იყო. სემი თავისი ქმედებით სხვებისთვის სამაგალითოა. ის ყოველდღე დილის 6:30 საათზე ტრენაჟორების დარბაზშია, ზედმიწევნით ემზადება, დიდ ყურადღებას აქცევს კვებას და პატარა დეტალებს, რათა თავი კომფორტულად იგრძნოს. 

მას სხვა მოთამაშეები მისდევენ. მოედანზეც იგივე ხდება, ის ყოველთვის შეუცდომელია. ის არის ნამდვილი პროფესიონალი, რომელმაც იცის ძალიან მაღალი დონე და რომელიც პატივს სცემს თანატოლებს." - განაცხადა ვერნ კოტერმა.