გორის ჯიქმა სეზონის პირველი გამარჯვება მოიპოვა (VIDEO)

ფოტო: rugby.ge

დღეს დიდი 10-ის მეხუთე ტურის შეხვედრაში გორის "ჯიქმა" მიმდინარე სეზონში პირველი გამარჯვება მოიპოვა, გორელებმა საკუთარ მოედანზე "არმაზს" უმასპინძლეს და მეტოქე 21:19 დაამარცხეს.

მატჩი საკმაოდ დაძაბული გამოდგა და გარდამავალი უპირატესობით წარიმართა, პირვე ტაიმში გუნდებმა თითო ლელოსთან ერთად 2-2- ჯარიმაც გაცვალეს და შესაბამისად ტაიმი საყაიმო ანგარიშით 13:13 დასრულდა. 

მეორე ტაიმში სტუმრები გააქტიურდნენ და ჯინჭველაშვილის ორი ჯარიმის წყალობით 6 ქულით დაწინაურდნენ, რასაც მალევე პურიჭამიაშვილმა ლელოთი უპასუხა, თუმცა გარდასახვა არაზუსტი გამოდგა და "არმაზმა" ლიდერობა მაინც შეინარჩუნა. მატჩის კულმინაცია კი გაწითლებულ დროში დადგა, სტუმრები თავიანთ 22-ში დაჯარიმდნენ და საბა ნიკოლავას ჯარიმის წყალობით გორელებმა პირველი გამარჯვება მოიპოვეს. აქამდე მათ ერთი თამაში წააგეს, ერთი ფრედ ითამაშეს, ორი კი კორონავირუსის გამო გადაიდო. 

იხილეთ გადამწყვეტი ჯარიმა.