არგენტინის ნაკრების მწვრთნელმა ოლ ბლექსთან ისტორიული მოგების შემდეგ, ცრემლები ვერ შეიკავა (VIDEO)

2020 წლის რაგბი ჩემპიონშიპის მესამე მატჩში არგენტინის ნაკრებმა ახალი ზელანდია ისტორიაში პირველად დაამარცხა და დიდი სენსაცია შემოგვთავაზა. "პუმებმა" სიდნეიში გამართულ მატჩში 25:15 იმარჯვეს.

სათამაშო დროის ამოწურვისთანავე ემოციებს ვეღარ გაუძლო და ცრემლები ვეღარ შეიკავა არგენტინელთა მთავარმა მწვრთნელმა მარიო ლედესმამ. მან ცრემლები ვერც მატჩის შემდგომ ინტერვიუში ვერ შეიკავა და ეს გამარჯვება აღწერა, როგორც "სურეალისტურად".

"თუ მე უნდა გითხრათ, რას ნიშნავს ეს გამარჯვება ჩემთვის, ამის გადმოცემას საუბრით ვერ შევძლებ. ბიჭებმა ძალიან ბევრი იმუშავეს, რომ ეს გაეკეთებინათ. ჩვენ ძალიან ბევრი რთული რამ გადავიტანეთ. ბიჭებმა ისეთი წარმოუდგენელი თამაში აჩვენეს, რომ მათით უბრალოდ უნდა ვიამაყოთ", - თქვა ლედესმამ.