ბორჯღალოსნები მშრალი ანგარიშით არსებობის განმავლობაში მესამედ დამარცხდნენ

შემოდგომის ერთა თასის პირველ მატჩში საქართველოს ნაკრები "თვიქნემზე" ინგლისთან მშრალი ანგარიშით 0:40 დამარცხდა.

აღსანიშნავია, რომ "ბორჯღალოსნების" 31-წლიანი არსებობის განმავლობაში ეს იყო მესამე შემთხვევა, როდესაც გუნდმა ქულების მოპოვება ვერ მოახერხა. პირველად ეს 1999 წლის მსოფლიო თასის შესარჩევ ეტაპზე მოხდა - 1998 წლის 14 ნოემბერს საქართველოს ნაკრები ირლანდიასთან დუბლინში 0:70 დამარცხდა, მეორედ კი ასეთი შემთხვევა 2018 წლის 25 ივნისს დაფიქსირდა - მილტონ ჰეიგის მიერ მომზადებულმა გუნდმა იაპონიაში 0:28 წააგო. 

"ბორჯღალოსნები" მომდევნო მატჩს 21 ნოემბერს უელსის წინააღმდეგ გამართავენ.