ჯეიმი ჯორჯი, რომელმაც საქართველოს სამი ლელო დაუდო, ინგლისის ნაკრების ისტორიაში შევიდა

© Tom Jenkins

შემოდგომის ერთა თასის პირველი ტურის მატჩში ინგლისის ნაკრებმა "თვიქნემზე" საქართველო მიიღო და პრობლემების გარეშე 40:0 დაამარცხა.

შეხვედრის გმირი ჯეიმი ჯორჯი გახდა, რომელმაც მოლიდან ლელოში სამჯერ შეიტანა ბურთი და მატჩის საუკეთესო მორაგბედ დასახელდა. გარდა ამისა, 30 წლის მორაგბე ინგლისის ნაკრების ისტორიაში შევიდა. საქმე იმაშია, რომ ჯორჯი "წითელი ვარდების" ისტორიაში გახდა პირველი კვაჭი, რომელმაც ერთ მატჩში სამი ლელოს გატანა მოახერხა.

ჯორჯს ინგლისის ნაკრების რიგებში 55 კეპი დაუგროვდა და 7 ლელოს გატანა მოახერხა. მომდევნო ტურში ინგლისი ირლანდიას ეთამაშება.