პაბლო მატერა: "მათ გარკვეული პატივისცემა უნდა გამოიჩინონ, მე ვთამაშობ ჩემი ქვეყნისთვის"

2020 წლის რაგბი ჩემპიონშიპის მესამე მატჩში არგენტინის ნაკრებმა ახალი ზელანდია ისტორიაში პირველად დაამარცხა და დიდი სენსაცია შემოგვთავაზა. "პუმებმა" სიდნეიში გამართულ მატჩში 25:15 იმარჯვეს.

მატჩის დასაწყისში ახალზელანდიელი და არგენტინელ მორაგბეებს შორის დაპირისპირება მოხდა. ჩხუბი თავდაპირველად მარკოს კრემერის და შენონ ფრიზელის მიერ ერთმანეთისთვის თავში ჩარტყმით დაიწყო, რაშიც არგენტინელთა კაპიტანი პაბლო მატერა ჩაერია.

ახალზელანდიელი მორაგბეების ქმედებით მატერა უკმაყოფილო დარჩა და შეხვედრის მთავარ მსაჯთან ანგუს გარდნერთან ეს ემოციურად: "მათ უნდა გამოხატონ გარკვეული პატივისცემა, მე ვთამაშობ ჩემი ქვეყნისთვის" - უთხრა პაბლომ და მსაჯს საკუთარი ქვეყნის ემბლემისთვის მიუთითა.

აღნიშნულმა ეპიზოდმა სოციალურ ქსელებში დიდი გამოხმაურება ჰპოვა და გულშემატკივრების დიდი მოწონება დაიმსახურა.