ტოპ 14: ბრივი რასინგს 3 ქართველით ეთამაშება

შაბათს ტოპ 14-ის მეცხრე ტურის შეხვედრები გაიმართება, მათ შორის "ბრივი" საკუთარ მოედანზე "რასინგ 92"-ს დაუპირისპირდება.

ნაკრების მორაგბეების არყოფნაში ბრიველთა განაცხადში 3 ქართველი მორაგბე მაინც იქნება, მათ შორის ძირითად შემადგენლობაშია სოსო ბეკოშვილი, ხოლო ლუკა ჯაფარიძე და ბადრი ალხაზაშვილი მასპინძლებს მარქაფადან გააძლიერებენ. 

რაც შეეხებათ სტუმრებს, გურამ გოგიჩაშვილის ნაკრებში ყოფნის მიუხედავად განაცხადში ერთი ქართველი მაინც მოხვდა, ბურჯი გია ხარაიშვილი პარიზელთა პარქაფაში იქნება და მოედანზე სავარაუდოდ მეორე ტაიმში გამოჩნდება. 

შეხვედრა შაბათს 21:00 საათზე დაიწყება.