ედი ჯოუნსი: "საქართველო რთული მეტოქე იქნება"

საქართველოსთან სათამაშოდ დღეს ძირითადი შემადგენლობა გამოაქვეყნა ინგლისის ნაკრების მთავარმა მწვრთნელმა ედი ჯოუნსმა, გარდა ამისა მან მოახლოებულ შეხვედრაზეც ისაუბრა.

"კარგი სავარჯიშო კვირა ჩავატარეთ. ვიცით, რომ დიდი მოლოდინები არსებობს ჩვენზე და ეს დიდ პასუხისმგებლობას გვაკისრებს მოახლოებულ თამაშში. 

საქართველო რთული მეტოქე იქნება, მაგრამ ჩვენ გვყავს ნამდვილად ძლიერი გუნდი ძლიერი ნახევარდაცვით. გვაქვს ახალგარდების და გამოცდილი მორაგბეების კარგი ბალანსი, რომლებიც მიმართულნი არიან იმისკენ, რომ შაბათს კარგი თამაში აჩვენონ. 

ველოდებით პაუზის შემდეგ "თვიქნემზე" დაბრუნებას, ამ შესაძლებლობით ძალიან გახარებულები ვართ და ქვეყნისთვის ამ რთულ პერიოდში გვინდა, რომ ხალხს ღიმილის მიზეზი მივცეთ"- განაცხადა ედი ჯოუნსმა.