ოლ ბლექსის მორაგბეს უხეშობა არ აპატიეს და დისკვალიფიკაციით დასაჯეს (+VIDEO)

ახალი ზელანდიის ნაკრების ბურჯი ოფა ტუ'უნგაფასი "სანზაარის" სადისციპლინო კომიტეტმა სამკვირიანი დისკვალიფიკაციით დასაჯა.

გასულ შაბათს ავსტრალიის ნაკრებთან წაგებული (22:24) მატჩის 23-ე წუთზე ტუ'უნგაფასმა ტომ ვრაითისთვის სახეში იდაყვის ჩარტყმის გამო წითელი ბარათი მიიღო, ხოლო მოგვიანებით ეს ეპიზოდი სამხრეთული რაგბის მმართველი ორგანოს სადისციპლინო კომიტეტმა განიხილა, რომელთა გადაწყვეტილების მიხედვითაც, 28 წლის 3 ერში ვეღარ ითამაშებს.

ცნობისთვის, ტონგური ფესვების მქონე "ბლუზის" ბურჯს "ოლ ბლექსის" კვართით 40 მატჩი აქვს ნათამაშები.

იხილეთ ტუ'უნგაფასის წითელი ბარათი 1:43 წუთიდან.