ავსტრალიის ნაკრების დებიუტანტი უხეშობისთვის მკაცრად დასაჯეს (+VIDEO)

23 წლის მეორეხაზელს ლაქი სვინტონს გასულ შაბათს "ვოლაბების" რიგებში დებიუტი ჰქონდა. მისი გუნდისთვის ეს მატჩი წარმატებული გამოდგა და "ოლ ბლექსს" 24:22 სძლიეს, თუმცა მისთვის უიღბლო გამოდგა, რადგან მატჩის 35-ე წუთზე სემ ვაითლოქისთვის სახეში მხრის ჩარტყმისთვის წითელი ბარათით გააძევეს.

როგორც გუშინ გაირკვა, სვინტონი ავსტრალიის ნაკრებს წლევანდელ 3 ერში ვეღარ დაეხმარება, რადგან "სანზაარის" სადისციპლინო კომიტეტმა ჩათვალა, რომ მისი უხეშობა წითელ ბარათზე მკაცრ სასჯელს იმსახურებდა და ეპიზოდის განხილვის შემდგომ, ახალგაზრდა მეორეხაზელს ოთხკვირიანი დისკვალიფიკაცია გამოუწერეს.

ცნობისთვის, სვიტონი "ვორათასში" თამაშობს და წლევანდელ სუპერ რაგბიში 14 მატჩი ჩაატარა. 

იხილეთ სვინტონის წითელი ბარათი 2:45 წუთიდან.