მსოფლიო რეიტინგის მოწინავე ოცეულში ერთი ცვლილება მოხდა

შაბათს ორი სანაკრებო მატჩი გაიმართა და "მსოფლიო რაგბის" რეიტინგის მოწინავე ოცეულში ერთი ცვლილება განხორციელდა.

ურუგვაის ნაკრებმა მონტევიდეოში ესპანეთი 19:10 დაამარცხა და 1 ნოემბერს განცდილი მარცხისთვის რევანში აიღო. ამ გამარჯვების შედეგად ურუგვაი 0.94 სარეიტინგო ქულა გამოიმუშავა და 67.02 ქულა დააგროვა, თუმცა მაინც მე-18 ადგილზე დარჩა. ესპანეთმა კი 0.94 ქულა დაკარგა და ერთი პოზიციით უკან დაიხია. "ლომებს" აშშ-მ გადაუსწრო, თუმცა შემოდგომის მატჩები ესპანელთათვის მაინც პოზიტიურად ფასდება, რადგან ურუგვაისთან ორმატჩიანი ტესტების წინ მე-18 პოზიციაზე იმყოფებოდა, სერიის დასრულების შემდეგ კი მე-17 საფეხურს იკავებს.

ავსტრალიამ 3 ერის მეორე მატჩში ახალი ზელანდია 24:22 დაამარცხა და 1.66 სარეიტინგო ქულა მოიხვეჭა. "ვოლაბებმა" 83.86 ქულა დააგროვეს და მეექვსე ადგილზე დარჩნენ, თუმცა ირლანდიასთან ჩამორჩენა მნიშვნელოვნად შეამცირეს, რომელსაც ამჟამად 84.10 ქულა აქვს.