არგენტინის ნაკრებმა 3 ერში ჩართვამდე ავსტრალია XV დიდი სხვაობით დაამარცხა (VIDEO)

არგენტინის ნაკრები წლევანდელ რაგბი ჩემპიონშიპში, რომელიც სამხრეთ აფრიკის მიერ მონაწილეობაზე უარის თქმის გამო 3 ერის ფორმატით ტარდება, მომდევნო შაბათს 14 ნოემბერს ჩაერთვება და სიდნეიში ახალ ზელანდიას დაუპირისპირდება.

3 ერის დაწყებამდე "პუმებმა" ავსტრალია XV-თან ორი გასახურებელი ტესტ-მატჩი გამართეს. მარიო ლედესმას შეგირდებმა 30 ოქტომბერს გამართულ მატჩში მეტოქე მცირე სხვაობით 19:15 დაამარცხეს. გუშინ კი, ლეგიონერებით გაძლიერებულმა არგენტინელებმა მეტოქეს დიდი სხვაობით 57:24 სძლიეს. იხილეთ მატჩის მიმოხილვა.