პირველი ლიგა, ა ჯგუფი: არმიამ დიდი სხვაობით იმარჯვა და ლიდერობა გაიმყარა

© თაკო კიკალიშვილი

გუშინ და დღეს პირველი ლიგის "ა" ჯგუფში სამი მატჩი გაიმართა. 

შესანიშნავ სერიას განაგრძობს თბილისის "არმია", რომელიც დიდ 10-ში დაბრუნების მთავარი კანდიდატია. მათ შევარდენის ბაზაზე ამჯერად "დინამო" დაამარცხეს ბონუსით 55:7. შესაბამისად, "არმიას" ხუთიდან ხუთი მოგება აქვს და გათამაშებას 25 ქულით ლიდერობს. 

მეორე ადგილზეა "ხვამლი", რომელმაც ქუთაისში "ბაგრატს" 45:8 სძლია და ბონუსი მოიპოვა. მათ 19 ქულა აქვთ და მესამე ადგილოსან "ივერიას" ცხრა ქულით უსწრებს, რომელმაც დღეს საკუთარ მოედანზე "თელავი" 18:7 დაამარცხა.