ბრივი ტულონთან შეხვედრაში 5 ქართველ მორაგბეს ათამაშებს

შაბათს საქართველოს დროით 00:00 საათზე ტოპ 14-ის მერვე ტურის შეხედრაში "ტულონი" საკუთარ მოედანზე "ბრივს" დაუპირისპირდება.

როგორც ცოტა ხნის წინ გაუწყეთ, თავიდანვე ცნობილი იყო, რომ ტრავმა ჯერ ბოლომდე არ მოურჩენია და მასპინძელთა განაცხადში არ იქნებოდა ქართველო ბურჯი ბექა გიგაშვილი. 

სამაგიეროდ სტუმართა მხრიდან შეხვედრაში ერთბაშად 5 ქართველი მიიღებს მონაწილეობას. მათ შორის სამი, სოსო ბეკოშვილი, ოთარ გიორგაძე და თედო აბჟანდაძე ძირითად შემადგენლობაში იქნებიან, ხოლო კვაჭი ბადრი ალხაზაშვილი და 9 ნომერი ვასილ ლობჟანიძე ბრივისტებს მარქაფადან გააძლიერებენ.