გიგაშვილის დაბრუნება გადაიდო

საქართველოს ნაკრების ბურჯი ბექა გიგაშვილი "ტულონს" გასულ კვირაში დაუბრუნდა და შაბათს ტოპ 14-ის მერვე ტურში "ბრივის" წინააღმდეგ შეხვედრაში ტულონელთა განაცხადში მოიაზრებოდა, თუმცა "ტულუზის" წინააღმდეგ მიღებული ტრავმის გამო, ბოლომდე ჯერ კიდევ არ გამოჯანმრთელებულა. 

მართალია მან ჩელენჯ თასის ფინალში "ბრისტოლის" წინააღმდეგ ითამაშა, თუმცა ტკივილები ისევ აწუხებს, ამის გამო საქართველოს ნაკრების რიგებში  შოტლანდიასთან მატჩშიც არ უთამაშია. 

არსებული სიტუაციიდან გამომდინარე ტულონელთა სამედიცინო შტაბმა გადაწყვიტა, რომ არ გარისკოს და გიგაშვილი შაბათს გასამართ შეხვედრაში მონაწილეობას არ მიიღებს, გარდა ამისა მომდევნო კვირაში შემოდგომის ერთა თასი იწყება და ფრანგულ კლუბს ქართველი ბურჯის გარეშ ფონს გასვლა დაახლოებით კიდევ ერთი თვე მოუწევს.