ნიკო აფციაური - 2020 წლის რუსეთის თასის საუკეთესო მორაგბე (VIDEO)

როგორც იცით, "კრასნი იარის" მესამეხაზელი ნიკო აფციაური გულშემატკივრებმა 2020 წლის რუსეთის თასის საუკეთესო მორაგბედ დაასახელეს. 

გამოკითხვაში, რომელიც Rugger.info-მ ჩაატარა, აფციაურმა ხმების 56% მიიღო. მეორე ადგილზე რამილ გაისინი გავიდა 19%-ით, ხოლო მიხეილ გაჩეჩილაძეს მესამე ადგილი ერგო და ხმების 15% მოაგროვა. რაც შეეხება რობერტ სუთიძეს, მას გულშემატკივრების 2%-მა დაუჭირა მხარი. 

Rugger.info-მ აფციაურს ვიდეო მიუძღვნა, რომელშიც წლევანდელი რუსეთის თასიდან მისი საუკეთესო მომენტებია ასახული.  

შეგახსენებთ, რომ რუსეთის თასის ფინალში "ენისეიმ" "კრასნი იარი" 19:11 დაამარცხა.