2020 წლის 6 ერის საუკეთესო მორაგბის წოდებისთვის 6 მორაგბე იბრძვის

6 ერის ოფიციალური ვებგვერდი წლევანდელი ტურნირის საუკეთესო მორაგბეს ასახელებს. 

ნომინაციაში 6 მორაგბეა წარდგენილი: მესამეხაზელი გრეგორი ალდრიტი, ჰავბექი ანტუან დუპონი და მგეზავი რომან ნტამაკი (სამივე საფრანგეთი), მეორეხაზელი მარო იტოჯე და ჰავბექი ბენ იანგსი (ორივე ინგლისი) და მესამეხაზელი სიჯეი სტენდერი (ირლანდია). 

როგორც იცით, წლევანდელი 6 ერი ინგლისის ნაკრების გამარჯვებით დასრულდა, რომელმაც საფრანგეთის მსგავსად 18 ქულა დააგროვა, მაგრამ გატანილ-გაშვებული ქულების სხვაობით "წითელმა ვარდებმა" უკეთესი ბალანსი აჩვენა და ტიტული მოიპოვა.

გამოკითხვაში მონაწილეობა ამ ბმულზე შეგიძლიათ